Молитва блаженному Андрею, Христа ради юродивому

Молитвы - Молитвы Святым (А)

 

О святый угодниче Божий, блаженне Андрее! Подвигом добрым подвизався на земли, восприял еси на Небесех венец правды, егоже уго­товал есть Господь всем любя­щим Его. Темже взирающе на святый твой образ, раду­емся о преславнем скончании жительства твоего и чтем святую память твою. Ты же, предстоя Престолу Божию, приими моления наша и ко Всемилостивому Богу принеси, о еже простити нам всякое прегрешение и помо­щи нам стати противу кознем диавольским, да избавльшеся от скорбей, болезней, бед и напастей и всякаго зла, благочестно и праведно поживем в нынешнем веце и сподобимся предстательством твоим, аще и недостойнии есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков. Аминь.